Bugun Navbahor tuman 2-son texnikumida bitiruvchilarni ish bilan ta’minlash maqsadida navbatdagi targ‘ibot uchrashuvi tashkil etildi.
Uchrashuvda IES korxonasining mas’ul xodimi ishtirok etib, korxonadagi mavjud bo‘sh ish o‘rinlari, ishga qabul qilish tartibi, mehnat sharoitlari hamda bitiruvchilar uchun yaratilayotgan imkoniyatlar haqida batafsil ma’lumot berdi. Shuningdek, ishtirokchilarni qiziqtirgan savollarga javob berilib, o‘zaro fikr almashildi.
Mazkur uchrashuv bitiruvchilarning o‘z mutaxassisligi bo‘yicha ishga joylashishiga ko‘maklashish hamda ularning kelgusidagi mehnat faoliyatini muvaffaqiyatli boshlashiga xizmat qiladi.
